ವರ್ಷಕ್ಕೊಮ್ಮೆ ತೀರ್ಥರೂಪಿಣಿಯಾಗಿ ಕಾವೇರಿ ದರ್ಶನ; ತೀರ್ಥೋದ್ಭವ ಕಣ್ತುಂಬಿಕೊಂಡ ಭಕ್ತರು!

ಕರುನಾಡ ಜೀವನದಿ ಕೊಡವರ ಕುಲದೈವ ಕಾವೇರಿಯ  ಪವಿತ್ರ ತೀರ್ಥೋದ್ಭವ ನೆರವೇರಿದೆ. ತಲಕಾವೇರಿಯ ಕುಂಡಿಕೆಯಲ್ಲಿ ಕಾವೇರಿ ದರ್ಶನ ನೀಡಿದ್ದಾಳೆ. ಕಾವೇರಿ ಉಗಮಸ್ಥಾನ ತಲಕಾವೇರಿಯಲ್ಲಿ ಇಂದು ಮಕರ ಲಗ್ನದಲ್ಲಿ 1 ಗಂಟೆ 44 ನಿಮಿಷಕ್ಕೆ ಬ್ರಹ್ಮ ಕುಂಡಿಕೆಯಿಂದ ತೀರ್ಥ ರೂಪಿಣಿಯಾಗಿ ಕಾವೇರಿ ಮಾತೆ ದರ್ಶನ ನೀಡಿದ್ದಾರೆ. ಈ ಕಾವೇರಿ ತೀರ್ಥೋದ್ಭವವನ್ನು ಭಕ್ತರು ಕಣ್ತುಂಬಿಕೊಂಡಿದ್ದು, ಪುನೀತರಾಗಿದ್ದಾರೆ.
ಕೊಡಗು ಜಿಲ್ಲೆಯ ತಲಕಾವೇರಿ, ಕಾವೇರಿ ನದಿಯ ಉಗಮಸ್ಥಾನ ಮತ್ತು ಇದು ಕರ್ನಾಟಕದ ಜೀವನಾಡಿ. ಇಲ್ಲಿಯ ಕೊಡವರ ಕುಲ ಧರ್ಮ, ಕಾವೇರಿ ತಾಯಿಯ ಪೂಜೆಯು ಶಾಶ್ವತ ಸಂಸ್ಕೃತಿಯಾಗಿದೆ. ಇಂದು ಕಾವೇರಿ ತೀರ್ಥೋತ್ಭವ ನಡೆದಿದೆ.
ಮಕರ ಲಗ್ನದಲ್ಲಿ ಕಾವೇರಿ ತೀರ್ಥೋದ್ಭವ!
ಶುಕ್ರವಾರ ಮಧ್ಯಾಹ್ನ 1 ಗಂಟೆ 44 ನಿಮಿಷಕ್ಕೆ ಮಕರ ಲಗ್ನದಲ್ಲಿ ಕಾವೇರಿ ತೀರ್ಥರೂಪಿಣಿಯಾಗಿ ಭಕ್ತರಿಗೆ ದರ್ಶನ ನೀಡಿದ್ದಾಳೆ. ಬ್ರಹ್ಮ ಕುಂಡಿಕೆಯಿಂದ ಪವಿತ್ರ ತೀರ್ಥ ಉಕ್ಕಿಬಂದು, ಭಕ್ತರಿಗೆ ದರ್ಶನ ನೀಡಿದ್ದಾಳೆ. ಈ ಪುಣ್ಯ ಕ್ಷಣವನ್ನು ಕಣ್ತುಂಬಿಕೊಂಡ ಭಕ್ತ ಗಣ, ರಾತ್ರಿಯಿಂದಲೇ ರಾಜ್ಯ ಹೊರ ರಾಜ್ಯಗಳಿಂದ ಬಂದು, ದರ್ಶನಕ್ಕಾಗಿ ಕಾತರರಾಗಿದ್ದರು. ತಲಕಾವೇರಿ ಮತ್ತು ತ್ರಿವೇಣಿ ಸಂಗಮದಲ್ಲಿ ಸಂಭ್ರಮದ ಜೋರಾಗಿದ್ದು, ಒಂದು ತಿಂಗಳ ಕಾಲ ನಡೆಯುವ ಕಾವೇರಿ ತುಲಾ ಸಂಕ್ರಮಣ ಜಾತ್ರೆಗೆ ಭಾಗಮಂಡಲ ಸಜ್ಜಾಗಿದೆ.
ಕರುನಾಡ ಜೀವನದಿ ಕೊಡವರ ಕುಲದೈವ!
ತಲಕಾವೇರಿ, ಕಾವೇರಿ ನದಿಯ ಉಗಮಸ್ಥಾನ, ಕೊಡಗಿನ ಭೂಮಿಯಲ್ಲಿ 1,277 ಮೀಟರ್ ಎತ್ತರದಲ್ಲಿದೆ. ಇಲ್ಲಿಯ ಬ್ರಹ್ಮ ಕುಂಡಿಕೆಯಲ್ಲಿ ಕಾವೇರಿ ತೀರ್ಥರೂಪಿಣಿಯಾಗಿ ದರ್ಶನ ನೀಡುವುದು ವಾರ್ಷಿಕ ಉತ್ಸವ. ಶುಕ್ರವಾರ ಮಕರ ಲಗ್ನದಲ್ಲಿ ತೀರ್ಥ ಉಕ್ಕಿಬಂದಾಗ, ಭಕ್ತರು ಕಾವೇರಿ ಮಾತೆಗೆ ಜೈಕಾರ ಕೂಗಿದರು. ತ್ರಿವೇಣಿ ಸಂಗಮದಲ್ಲಿ ಸ್ನಾನ ಮಾಡಿ, ಭಗಂಡೇಶ್ವರನಿಗೆ ಪೂಜೆ ಸಲ್ಲಿಸಿ, ಕಾವೇರಿ ಮಾತೆಯ ದರ್ಶನ ಪಡೆದರು. ತೀರ್ಥವನ್ನು ಸಂಗ್ರಹಿಸಿ ಮನೆಗೆ ಕೊಂಡೊಯ್ದರು.
ತೀರ್ಥೋದ್ಭವ ಕಣ್ತುಂಬಿಕೊಂಡ ಲಕ್ಷಾಂತರ ಮಂದಿ ಭಕ್ತರು!
ಈ ಉತ್ಸವ ಕೊಡವರ ಸಂಸ್ಕೃತಿಯ ಮುಖ್ಯ ಭಾಗ. ಕಾವೇರಿ ತಾಯಿ, ಕರ್ನಾಟಕದ ಜೀವನಾಡಿ, ತಮಿಳುನಾಡು, ಕರ್ನಾಟಕ ಮತ್ತು ತೆಲಂಗಾಣಾ ಮೂಲಕ ಹರಿಯುತ್ತಾಳೆ. ಈ ತೀರ್ಥೋದ್ಭವ, ಭಕ್ತರಿಗೆ ಆಶೀರ್ವಾದದ ಕ್ಷಣವಾಗಿದೆ. ಭಕ್ತರು ರಾತ್ರಿಯಿಂದಲೇ ರಾಜ್ಯ ಹೊರರಾಜ್ಯಗಳಿಂದ ಕಾವೇರಿ ತೀರ್ಥೋದ್ಭವ ಕಣ್ತಂಬಿಕೊಳ್ಳಲ ಆಗಮಿಸಿದ್ದರು. ಬೆಂಗಳೂರು, ಮೈಸೂರು, ಹಾಸನ, ಚಾಮರಾಜನಗರ, ತಮಿಳುನಾಡು, ತೆಲಂಗಾಣಾ ಮತ್ತು ಇತರ ರಾಜ್ಯಗಳಿಂದ ಬಂದು, ದರ್ಶನಕ್ಕಾಗಿ ಕಾಯುತ್ತಿದ್ದರು.